លទ្ធផលប្រដាល់ សង្វៀន TV3 និងTV5
lookandcomment
|
Monday, March 15, 2010
|
ភ្នំពេញ: សរ សី អ្នកប្រដាល់មកពីក្លឹបអេភូថង បានបង្ខំឲ្យ ចាន់ រះ ក្លឹបកងទ័ពជើងទឹកលើកទង់ជ័យ ស ចុះចាញ់មុនស្នូរជួង បញ្ចប់ទឹកទី ៥ ។ទឹកទី ៤ ចាន់ រះ ត្រូវសរ សី វាយឲ្យបែកឈាមក្រោមភ្នែកឆ្វេង ៤ ថ្នេរ ហើយក៏ត្រូវអជ្ញាកណ្តាលរាប់ ៨ ម្តងទៀត ។ មលដល់ទឹកទី ៥ ដោយដឹងថាមិនអាចតស៊ូជាមួយសរ សី បានទៀតនោះ ចាន់ រះ លើកទង់ជ័យ ស ចុះចាញ់តែម្តង ។
គេនៅចាំបានថា កាលពីថ្ងៃទី ២៧ កុម្ភៈ ឃឹម ពេជ្រចិន្តា ក្លឹបបូរីនាជរាជ ប្រកួតចាញ់ពិន្ទុ កប់ សុវណ្ណ ក្លឹបតាខ្មៅមានរិទ្ធ ខេត្តកណ្តាលម្តងហើយ ។
ទឹកទី ៤ ក្នុងខណៈដែល សុវណ្ណ ដួល ចិន្តា បានលោតបន្ថែមមួយជង្គង់ បណ្តាលឲ្យ សុវណ្ណ សន្លប់ក្រោកមិនរួច ។ ស្ថានភាពបែបនេះ អជ្ញាកណ្តាលមិនប្រកាសលទ្ធផលឡើយ ។
អ៊ឹម ដារា ក្លឹបក្រសួងការពារជាតិ សងសឹកយកឈ្នះវ៉ោយ សុធន ក្លឹបរាជសីហ៍ ខេត្តបន្ទាយមានជ័យឈ្នះពិន្ទុវិញ ។
តាមពិតអ្នកប្រដាល់ទាំង ២ រូបនេះ ធ្លាប់ប្រកួតគ្នាជាច្រើនលើកហើយ ដោយមានឈ្នះ មានចាញ់ទៅវិញទៅមក ដោយពិន្ទុប៉ណ្ណោះ ។ ពួកគេប្រកួតគ្នាចុងក្រោយនៅថ្ងៃទី ២៦ កុម្ភៈ ដោយសុធន ជាអ្នកឈ្នះពិន្ទុ ដារា ។
*សង្វៀន TV5
អ្នក ប្រដាល់សេរីឈ្មោះ សុខ ចំរើនស្រ៊ុន ក្លឹប CMAC បានក្រវីក្បាលចុះចាញ់ កន ចន្ថា ក្លឹបខេមបុស្សកីឡានៅទឹកទី២ ។
ពួកគេជា អ្នកប្រដាល់ជើងថ្មី ដែលប្រកួតគ្នា ដោយមិនមានបទពិសោធន៍អ្វីឡើយ ។ ពួកគេវាយប្រហារគ្នាដោយគ្មានកលល្បិចអ្វីច្បាស់លាស់នោះទេ ។
ទឹក ទី ២ ចន្ថា ប្រើជង្គង់បុកចំពោះ ចំរើនស្រ៊ុន បណ្តាលឲ្យចុករមួល ហើយបន្ទាប់ពីអជ្ញាកណ្តាលរាប់ដល់ ៨ និងបន្តដល់ ១០ គេក៏លើកទង់ជ័យ ស ចុះចាញ់តែម្តង ។
ការប្រកួតរវាង មៀច សុខរ៉ា ក្លឹបបង្ក្រាបគឿងញៀនជាមួយខុន ឆៃលាង ក្លឹបកងពលធំអន្តរាគមន៍លេខ ៣ បានធ្វើឲ្យអ្នកទស្សនាជក់ចិត្តយ៉ាងខ្លាំង ។
ទោះយ៉ាងណា ក៏នៅចុងទឹកទី ៥ មៀច សុខរ៉ា សន្លប់ដោយសារជង្គង់ ខុន ឆៃលាងទាល់តែបាន ។
គេនៅចាំបានថា កាលពីថ្ងៃទី ២៨ កុម្ភៈកន្លងមក សេក គីមផាន ក្លឹបសឹករង ខេត្តសៀមរាប វ៉ៃឈ្នះពិន្ទុ លួន សុខខេង ក្លឹបសិង្ហកីឡា ។ តែកាលពីថ្ងៃទី ១៧ មករាកន្លងមក គីមផាន ក៏ធ្លាប់ចាញ់ពិន្ទុ លួន សុខខេង ម្តងដែរ ។
ការប្រកួតរបស់ អ្នកប្រដាល់ទាំង ២ រូបនេះ មិនសូវធ្វើឲ្យអ្នកទស្សនាមានការរំភើបនោះទេ ព្រោះគេវ៉ៃប្រយ័ត្នប្រយែងពេក ។ តែទោះយ៉ាងណា ក៏ការវ៉ៃចេញរបស់ គីមផាន ចំគោលដៅបានច្រើនជាងការវ៉ៃចេញរបស់ សុខខេង ។ បន្ទាប់ពីប្រកួតពេញទាំង ៥ ទឹកនោះ សេក គីមផាន ឈ្នះ លួន សុខខេង ដោយពិន្ទុម្តងទៀត ។
ការប្រកួតរវាងជ័យ កុសល ក្លឹបសិង្ហាកីឡា ជាមួយ វង្ស ស៊ីថៃ ក្លឹបកងពលតូចលេខ ៧០ ពួកគេប្រើបច្ចេកទេសវ៉ៃគ្នាសុទ្ធសាធ ។
កុសល ដែលលាក់ប្រវត្តិប្រកួតនោះ គេថាធ្លាប់ប្រកួតតែ ៣១ ដង ឈ្នះ ២៦ ដង ចាញ់ ៣ ដង ស្មើ ២ ដង និងវាយគូរប្រកួតឲ្យសន្លប់ ២០ ដងប៉ុណ្ណោះ ។ ឯស៊ីថៃ វិញ មិនលាក់លៀមឡើយ គេធ្លាប់ប្រកួត ១២៨ លើក ឈ្នះ ១០២ លើក ចាញ់ ១៦ លើក ស្មើ ១០ លើក និងវាយគូរប្រកួត ឲ្យសន្លប់ ៥៩ លើក ។
អ្នក ប្រដាល់ទាំង ២ រូបនេះ ព្យាយាមប្រើជង្គង់ និងកែង តែគេប្រើជើងនិង ប្រើកណ្តាប់ដៃ និងជង្គង់វាយប្រហារគ្នា ទៅវិញទៅមកយ៉ាងសាហាវ ។
ទោះបីយ៉ាងណា ក៏នៅទឹកទី ៥ ពួកគេបែកចិញ្ចើមខ្លាំងដូចគ្នា គ្រាន់តែកុសល បែកមុន ហើយស៊ីថៃ បែកចុងទឹក ។
លទ្ធផលចុងក្រោយជ័យ កុសល ឈ្នះ វង្ស ស៊ីថៃ ដោយពិន្ទុ ៕
Filed Under:
ដំណឹងកីឡា
,
ដំណឹងសំខាន់ៗ ប្រចាំថ្ងៃ