ដូនជីម្នាក់ ចាក់សាំងដុតសម្លាប់ខ្លួន នៅវត្តបទុម ជិតព្រះបរមរាជវាំង
lookandcomment
|
Monday, March 15, 2010
|
ភ្នំពេញ: សាក្សីបានអះអាងថា ដូនជីឈ្មោះ ស្រីតូច អាយុ ៦០ ឆ្នាំ មកពីខេត្តពោធិសាត់ បានចាក់សាំងដុតសម្លាប់ខ្លួន នៅក្នុងវត្តបទុមវត្តី ជិតព្រះបរមរាជវាំង កាលពីយប់ម៉ោងប្រហែល ៧ និង ៤០ នាទី ថ្ងៃអាទិត្យ ទី១៤ ខែមីនា ឆ្នាំ២០១០ ។ ក៏ប៉ុន្តែភ្លាមៗនោះ ព្រះសង្ឃ និងក្រុមក្មេងវត្ត បានជួយពន្លត់ភ្លើង ហើយអាជ្ញាធរបានបញ្ជូនដូនជីនោះទៅសង្គ្រោះបន្ទាន់ នៅមន្ទីរពេទ្យកាល់ម៉ែត្រ ។ មកទល់នឹងព្រឹកថ្ងៃច័ន្ទនេះ គេមិនទាន់ដឹងពីវាសនារបស់ដូនជីនោះនៅឡើយទេ ។ ប៉ុន្តែបើតាមអាជ្ញាធរប៉ូលិសអះអាងថា ដូនជីនោះមានសភាពធ្ងន់ធ្ងរ ក្រោយពីហេតុការណ៍កាលពីយប់មិញ ។
គេក៏មិនទាន់ដឹងពីមូលហេតុច្បាស់លាស់ ដែលនាំឲ្យដូនជីមកពីខេត្តពោធិសាត់ ចាក់សាំងដុតខ្លួននោះនៅឡើយទេ ៕
Filed Under:
បទល្មើស ឧក្រិដ្ឋ