បុរសម្នាក់បើករថយន្តបុកដើមគគីរ ព្រោះស្រវឹង
lookandcomment
|
Tuesday, March 16, 2010
|
ភ្នំពេញ: បុរសម្នាក់ជាយោធានៅអង្គភាព ង៧០ បានដឹកស្រីស្នេហ៍បើកបុកដើមគគីរ បណ្តាលឲ្យរថយន្តខូចយ៉ាងដំណំ ប៉ុន្តែសំណាងល្អអ្នកទាំង២ មិនរងរបួសអ្វីឡើយ ហើយបើតាមប៉ូលិសមូលដ្ឋាននិយាយថា គ្រោះថ្នាក់បណ្តាលមកពីស្រវឹង ។
គ្រោះថ្នាក់ចរាចរដោយឯកឯងខាងលើកើតឡើងកាលពីវេលាម៉ោង ១ និង ៣០ នាទី អធ្រាត្រ ថ្ងៃទី ១៦ មីនា នេះនៅចំណុចរមណីដ្ឋានវត្តភ្នំ ប៉ែកខាងជើង ស្ថិតក្នុងសង្កាត់វត្តភ្នំ ខណ្ឌដូនពេញ ។
ប៉ូលិសមូលដ្ឋាននិយាយថា រថយន្តបង្កម៉ាកកាមរីឆ្លាម ពណ៌កណ្តុរប្រមេះ ស៊េរី៩៧ ស្លាកលេកភ្នំពេញ 2L 7974 បើកបរដោយឈ្មោះកែវ ហុង ភេទប្រុស អាយុ ២៨ឆ្នាំ មុខរបរ ទាហានអង្គភាព ង៧០ ស្នាក់នៅសង្កាត់កាកាប ខណ្ឌដង្កោ ។
ប៉ូលិសបន្តថា មុនកើតហេតុ បុរសខាងលើនេះបើករថយន្តដឹកស្រីស្នេហ៍ម្នាក់តាមផ្លូវលេខ ៤៧ ពីជើង ទៅត្បូងយ៉ាងលឿន ហើយជ្រុលឡើងចិញ្ចើមថ្នល់បុកដើមគគីរ បណ្តាលឲ្យខូចផ្នែកខាងមុខធ្ងន់ធ្ងរ ។ ជនរងគ្រោះទាំងពីរមិនរងរបួសអ្វីទេ ព្រោះបានពោងសុវត្ថិភាពផ្ទុះជួយការពារ ។ មូលហេតុស្រវឹងស្រា ។
រថយន្តត្រូវបានប៉ូលិសចរាចរក្រុងស្ទូចយកទៅរក្សាទុកនៅសាលាក្រុង ដើម្បីផាកពិន័យទ្វេដង ៕
Filed Under:
ដំណឹងថ្មីប្រចាំថ្ងៃ
,
បទល្មើស ឧក្រិដ្ឋ