ក្រុមអាវក្រហមគំរាមចាក់ស្រោចឈាម១.០០០លីត្រនៅ វិមានរដ្ឋាភិបាល
lookandcomment
|
Tuesday, March 16, 2010
|
ក្រុមអ្នកគាំទ្រអតីតនាយករដ្ឋមន្ត្រីថាក់ស៊ីន ស៊ីណាវ៉ាត្រាដែលគេស្គាល់ថាជាក្រុមអាវក្រហមបានគំរាមចាក់ស្រោច ឈាមរបស់អ្នកគាំទ្ររបស់ខ្លួននៅផ្លូវចូលវិមានរដ្ឋាភិបាល។
មេដឹកនាំក្រុមនេះលោកណាតតាវុធ សាយគួបាននិយាយកាលពីថ្ងៃចន្ទថាក្រុមអាវក្រហមនឹងយកឈាម១.០០០ លីត្រពីអ្នកគាំទ្រប្រមាណ១០០.០០០នាក់ហើយជះវានៅមុខវិមានរដ្ឋាភិបាល បើនាយករដ្ឋមន្ត្រីអាប់ភិស៊ីតនៅតែក្រាញតោងអំណាច។
លោកបាននិយាយថា សមាជិកអាវក្រហមម្នាក់ៗនឹងបរិច្ចាគឈាម១០សង្ទីម៉ែត្រគីប។“បើអាប់ ភិស៊ីតនិងរដ្ឋមន្ត្រីក្នុងគណៈរដ្ឋមន្ត្រីរបស់លោកចង់ចូលធ្វើការនៅ វិមានរដ្ឋាភិបាល ពួកគេត្រូវតែដើរលើឈាមរបស់ប្រជាជន”។
ស្នាក់ការគណបក្សប្រជាធិបតេយ្យនិងផ្ទះរបស់នាយករដ្ឋមន្ត្រីនឹងជា គោលដៅបន្ទាប់សំរាប់ការជះឈាមនេះបើការទាមទាររបស់ក្រុមអាវក្រហម មិនត្រូវបានគេគោរពធ្វើតាមទេនោះ។
ក្នុងពេលជាមួយគ្នា ក្រសួងសុខាភិបាលបានព្រមានអ្នកប្រឆាំងតវ៉ាអំពីការឆ្លងជម្ងឺដោយសារ ការបូមឈាមនេះតែមេដឹកនាំអាវក្រហមម្នាក់ទៀតបាននិយាយថាការបូមឈាម ១០សង្ទីម៉ែត្រគីបមិនបង្កបញ្ហាសុខភាពដល់អ្នកប្រឆាំងតវ៉ាទេនិង ថាក្រុមកំពុងប្រមូលបុគ្គលិកពេទ្យ៥០០នាក់មកធ្វើការបូមឈាម។
ពួកមន្ត្រីក្រសួងសុខាភិបាលនិយាយថាពួកអាវក្រហមនឹង ស្លុតចិត្តដោយឃើញឈាមជាពិសេសក្នុងពេលមានអាកាសធាតុក្តៅខ្លាំង បើពួកគេមិនមានការសម្រាកអោយគ្រប់គ្រាន់ទេនោះ។
តែ ពួកអ្នកប្រឆាំងតវ៉ាជាច្រើនបានច្រានចោលការព្រមានដោយស្ត្រីអាយុ៥៣ ឆ្នាំម្នាក់មកពីឈៀងម៉ៃបាននិយាយថាគាត់ចង់ផ្តល់ឈាម។“យើង គ្មានកាំភ្លើង គ្មានអាវុធ តែអ្វីដែលយើងមានគឺឈាមរបស់យើង។យើងនឹងប្រើវាដើម្បីស្វែងរក លទ្ធិប្រជាធិបតេយ្យពិត”។
Filed Under:
ដំណឹងសំខាន់ៗ ប្រចាំថ្ងៃ
,
ដំណឹងអន្តរជាតិ