លទ្ធផលប្រដាល់ TV5 យប់ថ្ងៃទី ៥ កុម្ភៈ
lookandcomment
|
Monday, February 8, 2010
|
ភ្នំពេញ: អ្នកប្រដាល់ឈ្មោះ ខុន ឆៃណង ក្លឹបសឹង្ហកីឡា ប្រើកណ្តប់ដៃផ្តួល ឡុង វិចិត្រ ក្លឹបសាលវ័ន្តកីឡាសន្លប់មុនស្នូរជួងបញ្ចប់ទឹកទី៣ ។ពួកគេប្រកួតគ្នានៅយប់ថ្ងៃទី ៥ កុម្ភៈ លើសង្វៀន TV5 ភូមិព្រែកថ្លឹង ។ ស្ថានភាពនៃការប្រកួតដំបូងគ្មាននរណាលើនរណាឡើយទោះបី វិចិត្រ ល្អជង្គង់ក៏ពិតមែន តែ ឆៃណង ព្យាយាមប្តួលដោយមិនឲ្យ វិចិត្រ ចូលមកកៀកខ្លួនបាន ។
អាជ្ញាកណ្តាលបញ្ឈប់មិនឲ្យប្រកួតបន្តដោយ ខុន ឆៃណង ឈ្នះ ឡុង វិចិត្រ នៅទឹកទី៣ តែម្តង ។ គួរបញ្ជាក់ថា អ្នកប្រដាល់ទាំង២ រូបនេះពុំធ្លាប់ជួបប្រកួតគ្នាពីមុនឡើយ ។
ផល សោភ័ណ្ឌ ក្លឹបតាឡីដំរីមានរិទ្ធ ប្រកួតឈ្នះ វៀត ប៊ុនឌឿន ក្លឹបកងយោធពលខេមរភូមិន្ទ ដោយពិន្ទុដាច់ ។ ក្នុងការប្រកួតនេះ សោភ័ណ្ឌ មានប្រៀបលើ ប៊ុនឌឿន តាំងពីទឹកទី១ ម្ល៉េះ ។ តាមពិតអ្នកប្រដាល់ទាំង ២រូបនេះចិត្តធំ និងមានស្ទីលវ៉ៃប្រហាក់ប្រហែលគ្នាតែ ប៊ុនឌឿន ចាញ់កំពស់ សោភ័ណ្ឌ ។
៥ទឹក ប៊ុនឌឿន ដកថយ និងការពារច្រើនជាងវាយលុក ។ បន្ទាប់ពីប្រកួតពេញទាំង៥ទឹក នោះ ផល សោភ័ណ្ឌ ឈ្នះពិន្ទុ វៀក ប៊ុនឌឿន ដាច់តែម្តង ។
គេនៅចាំបានថា កាលពីថ្ងៃទី ២២ មករា កន្លងមក ឯម វុត្ថា ក្លឹបគ្រុឌមានជ័យ ប្រកួតស្មើពិន្ទុជាមួយ សុខ សុវណ្ណ ក្លឹបខេត្តកោះកុង ។
សំរាប់ការប្រកួតលើកនេះ វុត្ថា វ៉ៃបានយ៉ាងល្អជង្គង់ និងកែងរបស់ វុត្ថា ធ្វើឲ្យ សុវណ្ណ មិនហ៊ានសំរុកចូលទាំងទទឹងទិសឡើយ ។ សុវណ្ណដែលពូកែកណ្តាប់ដៃនោះ កណ្តាប់ដៃគេវាយចេញមិនសូវរួចទេ តែ សុវណ្ណ ទាត់ចេញល្អ ។
មកដល់ទឹកទី៥ អ្នកប្រដាល់ទាំង ២រូបនេះព្យាយាមវាយសង្គ្រប់លើគ្នាទៅវិញទៅមកដើម្បីជ័យជំនះ ។
ចប់ទឹកទី៥ ឯម វុត្ថា ឈ្នះពិន្ទុ សុខ សុវណ្ណ ទាំងទ្រមខ្លួនដូចគ្នា ។
ចំពោះការប្រកួតរវាងយឹម ឌៀប ក្លឹបក្រសួងការពារជាតិ ប្រកួតជាមួយ ពេជ្រ អារុណ ក្លឹបបង្ក្រាបគ្រឿងញៀនវិញនោះ អារុណ បានជ័យជំនះ នៅទឹកទី៤ ដោយសារតែ យឹម ឌៀប មានបញ្ហាដៃស្តាំ ព្រោះអារុណទាត់ចំជាច្រើនជើង ។
យឹម ឌៀប ព្យាយមប្រើកណ្តាប់ដៃវាយប្រហារ អារុណ តែ អារុណ ដែលមានមុខស្វិតនោះបានច្រាសសងវិញព្រមទាំងប្រើជើងទាត់សន្ធាប់ឯ យឹម ឌៀប យកដៃរងទើបមានបញ្ហាបែបនេះ ៕